பணியகம் நடாத்திய இத்தேர்வில் வளர்தமிழ் 1 தொடக்கம் வளர்தமிழ் 12 வரை மொத்தம் 4371 மாணவர்கள் பங்கு பற்றியிருந்தனர் .

      04/05/2013 சனி, 12/05/2013 ஞாயிறு ஆகிய நாட்களில் தமிழ்ச்சோலைத் தலைமைப் பணியகத்தினால் ஒழுங்கமைக்கப்பட்ட தேர்வு நடுவங்களில் வாய்மொழித்தேர்வு நடைபெற்றது.

      01/06/2013 சனிக்கிழமை பாரிசையும் (paris) பாரிசைச் சுற்றியுள்ள புறநகர்ப் (ile-de-France) பகுதியைச் சேர்ந்த மாணவர்களுக்கும் பாரிசுக்கு அண்மையிலுள்ள La Place என்னும் இடத்தில் அமைந்துள்ள maison des examen என்னும் தேர்வுமண்டபத்தில் 20 தேர்வு மண்டபங்களில் எழுத்துத் தேர்வு நடைபெற்றது .

       இது தவிர Nice, Toulouse, Rennes,Tours, Gien, Strasbourg, Mulhouse போன்ற 7 பிற மாவட்டங்களிலும் இதே நாளில் நடைபெற்றது .தமிழ்ச்சோலைப் பணியகத்தினரால் ஒழுங்கு செய்யப்பட்ட 284 ஆசிரியர்கள் தேர்வில் மேற்பார்வையாளர்களாகக் கடமையாற்றினர் .அத்துடன் தமிழ்ச்சோலைப் பள்ளி நிர்வாகிகளும், தமிழ்ச்சங்கங்களின் செயற்பாட்டாளர்களும், தமிழ்ப்பெண்கள் அமைப்பினரும், தமிழர் ஒருங்கிணைப்புச் செயற்பாட்டாளர்களும் ஒழுங்கமைப்பில் பங்கு பற்றியிருந்தனர் .